قبل ما تشتري، تعالي نحكي الحدوتة.. جهّزي كوباية شاي بالنعناع كده وتعالي، علشان فيه حاجات كتير إنتِ متعرفيهاش 🙃
التقيل ولا الخفيف؟
الحقيقة الاتنين حلوين جداً، وأوعي حد يقنعك إنه طالما تقيل يبقى أقيم وأحسن (اتصدمتِ؟ آسفين 😅).
الجينز أوزان، وكل وزن بيتلبس في فصل معين من السنة، وفيه أوزان مناسبة لطول السنة. وكمان فيه أوزان مناسبة للفستان، وأوزان للجيبات، وأوزان للجواكيت والشيميزات. وهنا بييجي دورنا إننا نختار المناسب ليكِ.
الخامة أهم من الوزن
فيه نقط مهمة في الخامة نفسها لازم تسألي عليها:
- قطن ولا بوليستر؟
- بيشوّك على الجسم؟
- بيعمل حساسية في الحر الجامد ولا ناعم؟
- بيخنق ويكتم النفس لو تقيل حتى في الشتا، ولا مريح برغم وزنه؟
وعلشان تصنيع الجينز مراحل كتير جداً، ودي اللي بتفرّق جودة عن جودة.. متخليش مقياسك الوزن بس.
إيه اللي هتلاقيه لما تجربي الجينز مننا؟
خليني أطمنك: على مدار ٣ سنين قدمنا كل سنة كوليكشن جينز، اللهم بارك. أي جينز نزل في السنتين اللي فاتوا، فساتين وجواكيت وشيميزات، خلص بسرعة بفيدباك رائع. والكوليكشن الحالي للسنة التالتة، اللهم بارك، السحب عليه عالي جداً.
- الخامة قطن مش بوليستر: القطن أريح على الجسم وبيخلّي الجلد يتنفس. صحيح الجينز القطن أغلى في سعر الخامة بفرق مش قليل، بس المهم الجودة اللي بنقدمها.
- التصبيغ: صبغة الجينز لوحدها بتاخد وقت معانا، ودي اللي بتفرّق لون القطعة عندنا عن أي قطعة في حتة تانية.
- التطرية: مرحلة مهمة جداً، والأغلب بيتجاهلها في تصنيع الجينز توفيراً للوقت والتكلفة. بس هي اللي بتفرق في طراوة القطعة على جسمك، وبتخليها متشوّكش ومتضايقكيش.
- السعر: فيه تفاصيل كتير، بس خلينا نيجي للسعر.. وهو الأفضل على الإطلاق مقابل الجودة، وإنتوا تشهدولنا 🩵
حكايات من عندنا
أنا فاكرة سهيلة، اللي اتسمّى على اسمها شيميز سهيلة، لما أخدت الشيميز وقالت: "خطير في الصيف، بحس بطراوة كأني لابسة عباية فسكوز قطن في عز الحر". ودا كان الهدف: متحسيش بحر زيادة، وفي نفس الوقت على خفته مش شفاف. وصف في الجون من سهيلة للأمانة 🫶
الشيميز دا كان نازل في الصيف شهر ٧، ولما قررنا نعمله في الشتا عملناه بخامة أتقل شوية تناسب الموسم، ومن حلاوته الناس كانت بتقول دا كوت مش شيميز على الخامة دي 🙊
الجاكيت الجينز الكت اللي بيتنسف حالياً خريفي شتوي ربيعي. جودته خطيرة وسعره رائع، وكنا عارفين من قبل ما نبيع منه قطعة واحدة، بإذن الله، إن محدش هيرجعه بسبب الخامة أو التقفيل حتى لو المقاس أو الاستايل مش مناسب. ودا اللي حصل فعلاً: صفر فيدباك سلبي على القطعة كخامة وتصميم وفينيش، بفضل الله، ومئات الفيدباك اللي زي السكر.
فساتين الجينز الجديدة: فستان للسنة كلها
أما الفساتين اللي نزلت حالياً، فستان جينز "زراير" وفستان جينز "إدوار"، فنزلت علشان اللي عايزة فستان جينز تدفع فيه مرة واحدة وتلبسه عمر بحاله طول السنة. في الشتا اتقّلي تحته، وفي الصيف البسيه لوحده، وفي الحالتين هتكوني مرتاحة وخفيفة وشيك. هو فستان آه، بس هيكون صاحبك السنة كلها ✅
الخلاصة
الجينز عالم، ودا مختصر المختصر. ممكن نشارككم أسرار تانية في بوستات جاية، علشان تكوني فاهمة وإنتِ بتشتري 👀
بس عرفتي بقى إيه الأحلى، التقيل ولا الخفيف؟ 😉 أوعي حد يضحك عليكِ.. اتفقنا؟